PUBLICACIÓN BOE SOBRE APROBACIÓN INICIAL DO LISTADO DOS USUARIOS DO SERVIZO DE SUBMINISTRACIÓN DE AUGA POTABLE, REDE DE SANEAMENTO E DEPURACIÓN DE AUGAS RESIDUAIS.
15/04/2015 17:14:00
ADMINISTRACIÓN LOCAL
MUNICIPAL
BERGONDO
Intervención
Aprobación inicial do listado do padrón actualizado a 31 de decembro de 2014 dos usuarios do servizo de subministración de auga potable, do servizo de rede de saneamento e de depuración de augas residuais
ANUNCIO
O Pleno municipal do Concello de Bergondo, na sesión que tivo lugar o 26 de abril de 2015, aprobou inicialmente o listado do padrón actualizado a 31 de decembro de 2014 dos usuarios do servizo de subministración de auga potable, do servizo de rede de saneamento e de depuración de augas residuais presentado pola concesionaria do servizo, Viaqua Gestión Integral de Aguas de Galicia S.A.U., para dar cumprimento ó que establece o prego de cláusulas económicoadministrativas que rexe a correspondente concesión administrativa.
De conformidade coa Ordenanza fiscal reguladora da taxa pola subministración de auga potable, pola acometida á rede xeral de abastecemento e á rede xeral de saneamento, así como pola prestación do servizo de rede de saneamento e de depuración de augas residuais, exponse ó público o dito listado do padrón durante o prazo de 30 días, que contarán a partir do día seguinte ó da publicación deste anuncio no Boletín Oficial da Provincia.
As persoas lexitimadas poderán examina-lo expediente nas dependencias da Intervención municipal, durante o período de exposición pública, para que formulen tódalas alegacións que estimen oportunas, que no caso de producirse serán resoltas polo Pleno municipal. No caso de non efectuarse alegacións ou reclamacións o listado do padrón entenderase automaticamente elevado a definitivo.
Publicaión no BOE: xoves 9 de abril de 2015